2024-yil 28-noyabr O‘zbekistonda nogironligi bo‘lgan shaxslar uchun ish o‘rinlarini yaratish va ularga sharoit-sharoitlarini yaxshilash bo‘yicha noyob loyiha doirasida «Sharoit Plyus» nodavlat notijorat tashkiloti bosh ofisining tantanali ochilishi bo‘lib o‘tdi. Yangi ofisda nogironligi bo‘lgan ayollar uchun maxsus yaratilgan tikuvchilik sexi hamda tashkilot a’zolari uchun kovorking markazi yaratilgan.

Loyihaning asosiy maqsadi – nogironligi bo‘lgan ayollarni ish o‘rinlari bilan ta’minlash va ularning moliyaviy mustaqilligini targ‘ib qilish, shuningdek o‘zaro hamkorlik, kasbiy ko‘nikmalarni rivojlantirish va tajriba almashish uchun inklyuziv hamjamiyatni yaratishdan iborat. Nogironligi bor ayol ishchilarning barcha ehtiyojlarini hisobga olgan holda jihozlangan tikuvchilik sexi ularning ish bilan ta’minlanishi va kasbiy rivojlanishiga hissa qo‘shadi, bu esa ularga jamiyatning faol ishtirokchilari bo‘lishga imkon beradi.

«SHAROIT PLYUS» NJB tikuv sexi

Loyiha Yunusobod tuman hokimiyati hamda Xalq deputatlari Yunusobod tumani Kengashi deputati Shavkat Sayfullayev ko‘magida amalga oshirildi. Ularning yordami bilan «Bobodehqon» mahallasi hududida joylashgan eski bino imtiyozli shartlarda ijaraga berildi va kapital ta’mirlashdan so‘ng «Sharoit Plyus» bosh ofisiga aylandi.

Yunusobod tumani «Oila va xotin qizlar bo‘limi» boshlig‘i, hokim yordamchisi Musimova Dilfuza Mirshapovnaga tashakkurnoma topshirildi.

Yangi ofis nogironligi bor ayollar va yoshlarning kasbiy malakasini oshirish va o‘zini kasbiy rivojlantirishga qaratilgan o‘quv dasturlari, ijodiy seminarlar va boshqa tashabbuslar markaziga aylanadi. Yaqin kelajakda «Sharoit Plyus» tashkiloti taklif etilayotgan xizmatlar turini kengaytirishni va nogironligi bo’lgan shaxslarning ijtimoiy-iqtisodiy rivojlanishiga qaratilgan loyihalarni amalga oshirishni davom ettirishni rejalashtirmoqda.

«SHAROIT PLUS» NNT a’zolari tomonidan qo‘lda yasalgan an’anaviy zargarlik buyumlari

Loyihani amalga oshirish uchun «Sharoit Plyus» turli xil homiylik mablag‘larini jalb qildi. 2023 va 2024-yillarda tashkilot Jahon bankining va Xalqaro moliya korporatsiyasining O‘zbekistondagi vakolatxonalari tomonidan moliyaviy yordam oldi (ikkala tashkilot ham Jahon banki guruhiga (JBG) kiradi). JBG xodimlarining shaxsiy xayriya mablag‘lari yuqorida aytib o‘tilgan binoni kapital ta’mirlashga yo‘naltirildi.

Jahon bankining O‘zbekistondagi vakolatxonasi xodimlari “SHAROIT PLYUS” NNT a’zolari bilan

Bundan tashqari, xayr-ehsonlar boshqa homiylardan ham keldi. 2023-yilda Yandex O‘zbekistonning «Saxovatli noyabr» xayriya aksiyasi doirasida to‘plangan mablag‘lar binoni ta’mirlash xarajatlarini qisman qoplashga yordam berdi. Shuningdek, Yandex O‘zbekiston xayriya sayohatlari dasturi doirasida jamoat transportida harakatlanishda qiyinchiliklarga duch kelgan «Sharoit Plyus» a’zolari va xodimlariga transport yordami ko‘rsatilyapti. Turli xil xayriya tashabbuslari doirasida loyihaga jismoniy shaxslar va ko‘ngillilar qo‘shimcha yordam ko‘rsatdilar.

Jahon bankining Markaziy Osiyo bo‘yicha mintaqaviy direktori Tatyana Proskuryakova va “SHAROIT PLYUS” NJB raisi Muhabbat Rahimova

Ofisning ochilish marosimida «Sharoit Plyus» nodavlat nodavlat tashkiloti raisi Muhabbat Rahimova, Jahon bankining Markaziy Osiyo bo‘yicha mintaqaviy direktori Tatyana Proskuryakova, shuningdek, Yunusobod tumani hokimligi, «Bobodehqon» mahallasi fuqarolar yig‘ini, O‘zbekiston Respublikasi Vazirlar Mahkamasi huzuridagi Madaniyat va san’atni rivojlantirish jamg‘armasi hamda Yandex O‘zbekiston vakillari ishtirok etdilar.

Yandex Go Uzbekistan kompaniyasining biznesni rivojlantirish bo‘yicha menejeri Yuriy Liga tashakkurnoma taqdimoti

«Biz Toshkent shahridagi nogironligi bo‘lgan ayollarning ijtimoiy inklyuziya va iqtisodiy imkoniyatlarini kengaytirishga yana bir hissa qo‘shishdan mamnunmiz. Hamkorlarimiz – mahalliy hokimiyat organlari, Jahon banki guruhi, ijtimoiy mas’uliyatli fuqarolar va biznes vakillarining qo‘llab-quvvatlashi bilan biz ayollarga nafaqat ish topish va barqaror daromad olish, balki o‘zlarini jamiyatning bir qismi deb his etishlariga imkon beradigan shart-sharoitlarni yaratishga erishdik», – dedi Sharoit Plyus tashkiloti raisi Muhabbat Rahimova.

“SHAROIT PLYUS” NJB aʼzolari, xodimlari, koʻngillilari va hamkorlari

Tadbir doirasida mehmonlar yangi tikuvchilik sexidagi mehnat sharoitlari bilan tanishib o‘tdilar. Ta’kidlanishicha, uning asosida o‘nga yaqin nogironligi bor qizlar va ayollar, shuningdek, nogironligi bor bolalarning yolg‘iz onalariga ish bilan ta’minlash va tegishli kasbiy ko‘nikmalarni o‘qitish rejalashtirilgan. Kelasi uchrashuv davomida «Sharoit Plyus» tashkilotlarining hamkorlari va homiylari loyihani rivojlantirish istiqbollari va rejalarini muhokama qildilar.

«Sharoit Plyus» nodavlat nodavlat tashkiloti faoliyati to‘g‘risida

Toshkent shahridagi nogironlar jamoat birlashmasi turli shakldagi nogironligi bor shaxslar va ularning oila a’zolariga ijtimoiy va huquqiy yordam ko‘rsatadi. Tashkilot nogironligi bo‘lgan shaxslarni ochiq mehnat bozorda talabga ega bo‘lgan zamonaviy kasblar bo‘yicha o‘qitadi, ularning ish bilan ta’minlanishiga ko‘maklashadi, shuningdek, inklyuziya sohasidagi bosha ijtimoiy loyihalarni amalga oshiradi. «Sharoit Plyus» ning maqsadi – nogironligi bo‘lgan shaxslar va ularning oilalari jamiyatda to‘laqonli ishtirok etish uchun teng huquq va imkoniyatlarga ega bo‘lgan to‘siqsiz va inklyuziv jamiyatni yaratishdan iborat.

“SHAROIT PLYUS” NJBning yangi bosh ofisiga kiraverishda guruh surati

Bizning manzil:

100114, Toshkent shahri, Yunusobod tumani, Xiyobon ko‘chasi, 22-uy, (Bobodehkon mahalla fuqarolar yig‘ini yonidagi). Yandex manzili: https://yandex.uz/maps/-/CDsW6Qid Ish vaqti: 10:00 dan 18:00 gacha (tushlik tanaffus 13:00 dan 14:00 gacha) Dushanba – Juma.

Telefon: +998 (55) 500-50-60

Loyihalarimizni qo‘llab-quvvatlang:

Agar siz ushbu loyihani amalga oshirishga hissa qo‘shmoqchi bo‘lsangiz Click, Payme yoki Payze onlayn to‘lov tizimlari yoki ko‘ngilli (volontyor) bo‘lish orqali bizni qo‘llab-quvvatlashingiz mumkin: https://sharoitplus.uz/xayriya-qilish/#donate-form, va Hissa platformasida ushbu havola orqali.